[26] (ก) เย เกจิ อพฺยากตา ธมฺมา, สพฺเพ เต อพฺยากตมูเลน เอกมูลา?

(ข) เย วา ปน อพฺยากตมูเลน เอกมูลา, สพฺเพ เต ธมฺมา อพฺยากตา?

[27] (ก) เย เกจิ อพฺยากตมูเลน เอกมูลา ธมฺมา, สพฺเพ เต อพฺยากตมูเลน อญฺญมญฺญมูลา?

(ข) เย วา ปน อพฺยากตมูเลน อญฺญมญฺญมูลา, สพฺเพ เต ธมฺมา อพฺยากตา?

(2) มูลมูลนโย

[28] (ก) เย เกจิ อพฺยากตา ธมฺมา, สพฺเพ เต อพฺยากตมูลมูลา?

(ข) เย วา ปน อพฺยากตมูลมูลา, สพฺเพ เต ธมฺมา อพฺยากตา?

[29] (ก) เย เกจิ อพฺยากตา ธมฺมา, สพฺเพ เต อพฺยากตมูเลน เอกมูลมูลา?

(ข) เย วา ปน อพฺยากตมูเลน เอกมูลมูลา, สพฺเพ เต ธมฺมา อพฺยากตา?

[30] (ก) เย เกจิ อพฺยากตมูเลน เอกมูลมูลา ธมฺมา, สพฺเพ เต อพฺยากตมูเลน อญฺญมญฺญมูลมูลา?

(ข) เย วา ปน อพฺยากตมูเลน อญฺญมญฺญมูลมูลา, สพฺเพ เต ธมฺมา อพฺยากตา?

(3) มูลกนโย

[31] (ก) เย เกจิ อพฺยากตา ธมฺมา, สพฺเพ เต อพฺยากตมูลกา?

(ข) เย วา ปน อพฺยากตมูลกา, สพฺเพ เต ธมฺมา อพฺยากตา?

[32] (ก) เย เกจิ อพฺยากตา ธมฺมา, สพฺเพ เต อพฺยากตมูเลน เอกมูลกา?

(ข) เย วา ปน อพฺยากตมูเลน เอกมูลกา, สพฺเพ เต ธมฺมา อพฺยากตา?

[33] (ก) เย เกจิ อพฺยากตมูเลน เอกมูลกา ธมฺมา, สพฺเพ เต อพฺยากตมูเลน อญฺญมญฺญมูลกา?

(ข) เย วา ปน อพฺยากตมูเลน อญฺญมญฺญมูลกา, สพฺเพ เต ธมฺมา อพฺยากตา?

(4) มูลมูลกนโย

[34] (ก) เย เกจิ อพฺยากตา ธมฺมา, สพฺเพ เต อพฺยากตมูลมูลกา?

(ข) เย วา ปน อพฺยากตมูลมูลกา, สพฺเพ เต ธมฺมา อพฺยากตา?

[35] (ก) เย เกจิ อพฺยากตา ธมฺมา, สพฺเพ เต อพฺยากตมูเลน เอกมูลมูลกา?

(ข) เย วา ปน อพฺยากตมูเลน เอกมูลมูลกา, สพฺเพ เต ธมฺมา อพฺยากตา?

[36] (ก) เย เกจิ อพฺยากตมูเลน เอกมูลมูลกา ธมฺมา, สพฺเพ เต อพฺยากตมูเลน อญฺญมญฺญมูลมูลกา?

(ข) เย วา ปน อพฺยากตมูเลน อญฺญมญฺญมูลมูลกา, สพฺเพ เต ธมฺมา อพฺยากตา?

4. นามา ธมฺมา (1) มูลนโย

[37] (ก) เย เกจิ นามา ธมฺมา, สพฺเพ เต นามมูลา?

(ข) เย วา ปน นามมูลา, สพฺเพ เต ธมฺมา นามา?

[38] (ก) เย เกจิ นามา ธมฺมา, สพฺเพ เต นามมูเลน เอกมูลา?

(ข) เย วา ปน นามมูเลน เอกมูลา, สพฺเพ เต ธมฺมา นามา?

[39] (ก) เย เกจิ นามมูเลน เอกมูลา ธมฺมา, สพฺเพ เต นามมูเลน อญฺญมญฺญมูลา?

(ข) เย วา ปน นามมูเลน อญฺญมญฺญมูลา, สพฺเพ เต ธมฺมา นามา?

(2) มูลมูลนโย

[40] (ก) เย เกจิ นามา ธมฺมา, สพฺเพ เต นามมูลมูลา?

(ข) เย วา ปน นามมูลมูลา, สพฺเพ เต ธมฺมา นามา?

[41] (ก) เย เกจิ นามา ธมฺมา, สพฺเพ เต นามมูเลน เอกมูลมูลา?

(ข) เย วา ปน นามมูเลน เอกมูลมูลา, สพฺเพ เต ธมฺมา นามา?

[42] (ก) เย เกจิ นามมูเลน เอกมูลมูลา ธมฺมา, สพฺเพ เต นามมูเลน อญฺญมญฺญมูลมูลา?

(ข) เย วา ปน นามมูเลน อญฺญมญฺญมูลมูลา, สพฺเพ เต ธมฺมา นามา?

(3) มูลกนโย

[43] (ก) เย เกจิ นามา ธมฺมา, สพฺเพ เต นามมูลกา?

(ข) เย วา ปน นามมูลกา, สพฺเพ เต ธมฺมา นามา?

[44] (ก) เย เกจิ นามา ธมฺมา, สพฺเพ เต นามมูเลน เอกมูลกา?

(ข) เย วา ปน นามมูเลน เอกมูลกา, สพฺเพ เต ธมฺมา นามา?

[45] (ก) เย เกจิ นามมูเลน เอกมูลกา ธมฺมา, สพฺเพ เต นามมูเลน อญฺญมญฺญมูลกา?

(ข) เย วา ปน นามมูเลน อญฺญมญฺญมูลกา, สพฺเพ เต ธมฺมา นามา?

(4) มูลมูลกนโย

[46] (ก) เย เกจิ นามา ธมฺมา, สพฺเพ เต นามมูลมูลกา?

(ข) เย วา ปน นามมูลมูลกา, สพฺเพ เต ธมฺมา นามา?

[47] (ก) เย เกจิ นามา ธมฺมา, สพฺเพ เต นามมูเลน เอกมูลมูลกา?

(ข) เย วา ปน นามมูเลน เอกมูลมูลกา, สพฺเพ เต ธมฺมา นามา?

[48] (ก) เย เกจิ นามมูเลน เอกมูลมูลกา ธมฺมา, สพฺเพ เต นามมูเลน อญฺญมญฺญมูลมูลกา?

(ข) เย วา ปน นามมูเลน อญฺญมญฺญมูลมูลกา, สพฺเพ เต ธมฺมา นามา?

มูลวารอุทฺเทโสฯ

2-10. เหตุวาราทิ

[49] เย เกจิ กุสลา ธมฺมา, สพฺเพ เต กุสลเหตู…เป.… กุสลนิทานา…เป.… กุสลสมฺภวา…เป.… กุสลปฺปภวา…เป.… กุสลสมุฏฺฐานา…เป.… กุสลาหารา…เป.… กุสลารมฺมณา…เป.… กุสลปจฺจยา…เป.… กุสลสมุทยา…เป.…ฯ

มูลํ เหตุ นิทานญฺจ, สมฺภโว ปภเวน จ;

สมุฏฺฐานาหารารมฺมณา [สมุฏฺฐานาหารารมฺมณํ (ก.)], ปจฺจโย สมุทเยน จาติฯ

อุทฺเทสวาโร นิฏฺฐิโตฯ

(ข) นิทฺเทโส

1. มูลวาโร

1. กุสลา ธมฺมา (1) มูลนโย

[50] (ก) เย เกจิ กุสลา ธมฺมา, สพฺเพ เต กุสลมูลาติ? ตีเณว กุสลมูลานิฯ อวเสสา กุสลา ธมฺมา น กุสลมูลาฯ

(ข) เย วา ปน กุสลมูลา, สพฺเพ เต ธมฺมา กุสลาติ? อามนฺตาฯ

[51] (ก) เย เกจิ กุสลา ธมฺมา, สพฺเพ เต กุสลมูเลน เอกมูลาติ? อามนฺตาฯ